К

Ракот на кожата настанува со неконтролиран раст и размножување на клетките на кожата. Доколку не се лекува, ракот на кожата почнува локално да се шири и тоа, како по површината, така и во подлабоките слоеви на кожата, а преку лимфните и крвни садови може да се прошири и во оддалечените ткива и органи во телото. Постојат различни типови на кожни карциноми. Базоцелуларниот кожен карцином е најчест, додека меланомот е најредок, но и најопасен кожен карцином.

Надворешниот слој на кожата т.н. епидермис се состои од различни видови на клетки. Кожниот карцином се класифицира врз основа на видот на клетките од кои настанува.

Базоцелуларниот кожен карцином настанува од клетките на најдлабокиот слој на епидермисот и е најчест вид на кожен карцином.

Планоцелуларниот кожен карцином се развива од клетките на средниот слој на епидермисот.

Меланомот претставува малигно буење на меланоцитите, клетки кои го произведуваат пигментот на кожата. Тоа е најмалигни облик на кожен карцином и е најчеста причина за смрт од кожен карцином.

Кожниот карцином понекогаш се класифицира како меланом и немеланом. Базоцелуларниот и планоцелуларниот кожен карцином се најчести малигни облици на немеланомски рак на кожата.