• Decrease font size
  • Reset font size to default
  • Increase font size
Ординација
Сексуално преносливи болести Печати

Сексуално преносливи заболувања (СПЗ) се инфекции кои се пренесуваат од едно на друго лице преку сексуален однос или интимни контакти со гениталиите (во текот на предиграта или во текот на „галењето“ со прсти или уста).

Класичните сексуално преносливи болести ги вклучуваат: гонореја, сифилис, канкроид, лимфогранулома ингвинале и лимфогранулома венерум. Според класификацијата на СЗО, во сексуално преносливи болести се вбројуваат и трихомонијаза (ТВ), кламидија, генитален херпес, кандидијаза, инфекција со хуман папилома вирус, вирален хепатит и СИДА.

Постојат барем 25 различни сексуално преносливи инфекции. Тие можат да бидат предизвикани од бактерии, вируси или паразити. Најопасна сексуално пренослива инфекцијата е онаа која ја предизвикува ХИВ вирусот (вирус на намален имунитет кај човекот), кој доведува до состојба на СИДА (синдром на стекната имунодифициенција).

Болестите кои се пренесуваат со сексуален однос се во постојан пораст од 1970 год. Додека порано најчести биле гонореја (трипер) и сифилис, сега се почесто се среќава генитален хепрес (herpes genitalis) и генталната ХПВ инфекција., а во пораст е и инфекцијата со ХИВ вирусот.

Од лабораторијата во МАНУ предупредуаваат дека се заканува епидемија на хуман папилома вируси.

Од 25 испитани примероци дневно, 20 % се позитивни на некој од поттиповите на хуман папилома вирусите (ХПВ), што е многу повеќе во споредба со изминатите години, покажуваат податоците од лабораторијата во МАНУ, каде што се прави типизацијата на овие вируси.

Бројот на позитивни наоди е во постојан пораст. Проблем е и тоа што се почесто се среќаваат мешани инфекции од еден или од два поттипа на ХПВ. Иако има повеќе од 100 типа на вирусот, кај нас најчесто се среќаваат околу 25 вида. Некои од нив се во групата високоризични, кои се директно поврзани со ракот на грлото на матката кај жените .

Колку вирусот ќе му направи штета на организмот зависи пред се од неговата одбранбена способност. Имунитетот е најважен за справувањето со инфекцијата. Затоа на пациентките како терапија им се препорачува да го зајакнат својот имунитет. Тоа, пред се, значи здрава исхрана и внесување многу свежо овошје и зеленчук во кое има многу витамини и минерали, неопходни за одржување на здравјето на човекот

Присуството на хуман папилома вирусот е индикатор за сите промени на грлото на матката и затоа се потребни редовни контроли.

Присуството на нискоризичните ХПВ е само насока дека треба редовно да се следат промените на грлото на матката и да се работи на имунитетот. Со честите гинеколошки прегледи можно е кај пациентките да се интервенира во претканцерогените состојби, кога ризикот е многу помал.

Поради раширеноста, во светот веќе се користат вакцини за одредени поттипови вируси.

 

Најчитани написи