• Decrease font size
  • Reset font size to default
  • Increase font size
Живеј здраво, храни се правилно!
Здрава храна – паметно дете!

Моќно железо, “Паметни” јаглехидрати, Силата на протеините, Неодминлива Б група!

Моќно железо

Железото е од витално значење за правилен развој на мозокот. Знаејќи дека резервите од овој минерал во организмот на бебето траат шест месеци, треба да се надомести со соодветна храна. Добри извори на железо се: зелениот листест зеленчук (спанаќ, блитва, коприва) и црвено месо (јунешко и јагнешко).

За да се апсорбира што подобро потребен е витамин Ц (портокал, домат). Многу железо има и во интегралните житарици, сушеното овошје и пилешкиот џигер.

“Паметни” јаглехидрати

Мозокот на бебето не одмора ниту кога бебето спие. Тогаш собраните податоци ги претвора во знаење. За да се развива овој процес без проблеми, на мозокот потребна му е многу енергија. Најдобро гориво за работата на мозокот се јаглехидратите, кои се наоѓаат во житариците, тестенините, овошјето и зеленчукот. Избегнувајте слатки јаглехидрати кои се наоѓаат во слатките и колачите.

Силата на протеините

За да се пренесат информациите брзо и ефикасно до мозокот, во исхраната на бебето потребно е да се внесат протеини. Тие се богати со аминокиселини кои содржат неуротрансмитери, без кои размената на информациите меѓу мозочните ќелии е многу намалена. Нашето тело не може да складира протеини, затоа е потребно да се внесуваат преку храна. Затоа во исхраната на детето треба да се воведе боранија, соја, леќа, сите видови месо (освен свинско), бело сирење и јајца и риба.

Неодминлива Б група

За бебињата најделотворни се витамините од Б групата. Нив ги има во интегралниот леб, бананите, житариците, гравот, зелениот зеленчук и млекото.

Преземено од www.ringeraja.mk.

 

Прочитајте и: