• Decrease font size
  • Reset font size to default
  • Increase font size
Ординација
FDA го одобрила брзиот тест на антитела на вирусот на хепатитот Ц (HCV) Печати

Американската агенција за храна и лекови (FDA) на 25 јуни 2010 година објавила дека го одобрила првиот брз крвен тест (OraQuick) на антитела на хепатит Ц вирусот за лица од 15 години и постари.

Брзиот тест на антитела (OraQuick HCV Rapid Antibody Test) на хепатит Ц вирусот (HCV) се користи за тестирање на поединци кои имаат ризик за хепатит Ц инфекција и за лица со симптоми на хепатитис.

OraQuick е тест лента и нема потреба од инструмент за дијагностицирање. Потребни се само околу 20 минути за да бидат готови резултатите од тестот. Тестот е неинвазивен и многу прецизен. Може да ги открие антителата на HCV во плунката, во крвта, серумот и плазмата на инфицираното лице.

„Одобрувањето на FDA значи дека поголем број од пациентите ќе можат побрзо да бидат предупредени дека имаат инфекција, така што ќе можат да се консултираат со своите лекари за адекватните мерки на лекување. Побрзото пристапување кон лекувањето на хепатитисот Ц е важен чекор за јавното здравје, кога е во прашање контролата на оваа опасна болест“, изјавил Jeffrey Shuren од FDA.

Според податовите на „U.S. Centers for Disease Control and Prevention“, приближно во САД има 3.2 милиони луѓе хронично инфицирани со вирусот на хепатитот Ц, и секоја година има околу 17 000 новодијагностицирани случаи.

Хроничниот хепатитис Ц е водечка причина за трансплантација на црн дроб во САД. HCV е поврзана со проценети 12,000 смртни случаи годишно.

Околу 75 до 85 % од луѓето кои се инфицираат со хепатитис Ц вирусот развиваат хронична инфекција.

Хепатит Ц вирусот е еден од можните причинители за хепатоцелуларниот карцином (примарен рак на црниот дроб). Еден дел од пациентите со хепатоцелуларен карцином, кои не се поврзани со хепатит Б вирусот, се поврзани со хронична инфекција со хепатит Ц вирусот.

OraQuick тестот не е одобрен од страна на FDA за HCV скрининг за широката популација.