• Decrease font size
  • Reset font size to default
  • Increase font size
Ординација
Како да го победиме пролетниот замор? Печати

Пролетниот замор се победува со здрава и правилно избалансирана исхрана.

Пролетниот замор се јавува како последица на променливото време т.е. наглите промени во надворешната температура, кои се вообичаени за овој период од годината. Затоа, во пролет многу лица се чувствуваат уморни (троми, поспани, исцрпени и депресивни).

Совети на стручњаците

Пектин за побрз метаболизам

Во пролет најмногу треба да се јадат јаболки, бидејќи содржат пектин кој го забрзува метаболизмот и го буди организмот.

Никотинска киселина (витамин Б3 или ниацин) - за подобро памтење

Никотинската киселина ги шири крвните садови и ги активира невротрансмитерите, кои се важни за пренесувањето на импулсите на мозочните клетки.

Никотинската киселина учествува во процесот на ослободувањето на енергијата од јагленохидратите и во претварањето на јагленохидратите во масти.

Интересно е дека никотинската киселина го регулира нивото на холестеролот. Поради нејзиното големо учество во метаболизмот, се покажало дека никотинската киселина помага при зголемените концентрации на холестерол и на триглицериди во крвта, ја намалува можноста за настанување на катаракта, помага при болни менструации, при акни, при фотосензитивност и некои други состојби.

Најдобри извори на витамин Б 3 се: пивскиот квасец, кикириките, рибата, млекото, јаболката, јатчестото овошје, мешункастиот зеленчук, зелениот лиснат зеленчук.

Витаминот Б 3 го нема како посебен суплемент, туку се наоѓа во состав на мултивитаминските препарати.

Тиамин (витамин Б 1) – против нервоза

Витаминиот Б 1 и е потребен на секоја клетка во организмот за да може таа да го произведе основниот енергент, аденозин-трифосфат (ATP). Тоа значи дека без овој витамин во организмот нема да може да се преработат (разградат) јагленохидратите, мастите и протеините.

Витаминот Б 1 е неопходен за метаболизмот на јагленохидратите. Мастите и протеините ја намалуваат, а јагленохидратите ја зголемуваат потребата за овој витамин.

Витаминот Б 1 е неоходен за нормално функционирање на нервните и кардиоваскуларни клетки, обезбедувајќи им ја потребната енергија.

Витаминот Б 1 е потебен за пренесување на нервните импулси.

Тиамниот се наоѓа во лушпите на житариците, во внатрешните органи на животните, во квасецот, во овошјето и зеленчукот.

Витаминот Б 1 го содржат: лебот направен од цели зрна на житарици, пченицата, пченичните р`кулци, црното пченично брашно, темниот ориз, цералиите, сојата, зелката, спанаќот, мешункастиот зеленчук, компирот, лешникот, оревот, портолакот, доматот, пивскиот квасец, свинското месо, црниот дроб, рибата, жочката од јајце.

Витамин Б 6 (пиридоксин) - за јаки мускули

Витамин Б 6 е потребен за претварањето на белковините (аминокиселиние) во мускули и сврзно ткиво.

Витаминот Б 6 го „контролира“ многу важниот процес во организмот, а тоа е изградбата на аминокиселините, а со тоа ја контолира и изградбата на сите протеински структури (клетките и ткивата) на организмот. Значи сè е под негова контрола. Тоа значи дека под негова контрола се и хормоните, т.е. другите важни „диригенти“ во функционирањето на телото. Не треба да се заборави дека и крвта е течно ткиво, односно протеинска структура за која е, исто така, потребен витаминот Б 6.

Без витамин Б 6 нема протеини, без протеини нема хормони, а без хормони сите функции во организмот се доведени во прашање. Да ги спомнеме само серотонинот, допаминот и мелатонинот, кои заедно го регулираат биолошкиот часовник, спиењето, когнитивната функција, чувствата и однесувањето.

Витаминот Б 6 учествува во изградбата на неколку невротрансмитери (материи кои овозможуваат пренос на нервните импулси). Недостатокот на витаминот Б 6 доведува до невролошки и психолошки пореметувања.

Поради своите важни функции во организмот, витаминот Б 6 се користи кај аутизам, целијакија, депресија, покачен холестерол, висок хомоцистеин, при бубрежни каменчиња, астма, атеросклероза, предменструален синдром, а им се препорачува и на активните спортисти и при други состојби.

Најдобри извори на витамин Б 6 се: компирот, бананите, грозјето, житариците, црниот дроб, месото од мисирка, туната итн.

Железо - за пренесување на кислородот до клетките

Железото е витален нутритиент кој е важен за формирањето на здравите црвени крвни зрнца и за пренос на кислеродот. Утврдено е дека скоро 62% жени постари од 20 години немаат доволна количина на железо во крвта. Недостатокот на железо кај жените се јавува поради недоволното негово внесување со храната, но и поради неговиот губиток за време на менстуацијата.

Часа свеж сок од портокал и житарици можат да ја зголемат апсорпцијата на железото ви телото. Витаминот Ц му помага на телото да го внесе железото во метаболизмот.

Железото го има во свежото овошје и зеленчук (јатчесто овошје, смокви, грашок, грав...), во интегралниот леб, во остригите, во пилешкиот, говедскиот и свинскиот џигер итн.

Инулин - го јакне имунитетот

Инулинот е билна супстанција (јагленохидрат) кој има слаткаст вкус и е помалку калоричен од шеќерот. Инулинот во несварена фомра стига до цревата каде ги храни “бифидус“ бактериите кои влегуваат во состав на нормалната цревна флора и кои се важни за одржувањето на здравјето на цревата. Овие „добри“ бактерии ствараат заштитна бариера во цревата, која ги уништува предизвикувачите на болестите.

Инулинот го има во лукот, кромидот, артичокот, шпарглата.

Магнезиум – антистрес минерал и минерал за здраво срце

Магнезиумот е неопходен за пренос на нервните импулси иза конракцијата на мускулите. Тоа значи дека нервите, кои го контролираат работата на срцевиот мускул моќат оптимално да работат, само ако го има магнезиумот доволно в организмот.

Магнезиумот има многу важна улога во врзувањето на калциумот во коските и во опуштањето на мускулите. Тој учествува и во регулирањето на срцевиот ритам и го намалува нивото на холестерол во крвта. Овој олигоелемент го регулира работењето на цревата, посебно во случај на постоење на запек. Кај трудниците, магнезиумот ја намалува опасноста од спонтан абортус и предвремено породување.

Дневните потреби на човечкиот организам за овој биоелемент изнесуваат 6 милиграми по килограм телесна тежина. Тоа значи дека лице кое е тешко 50 килограми би тебало дневно да внесува околу 300 милиграми магнезиум.

Недостаток на магнезиум се јавува ако не го внесуваме доволно со храната или ако имаме зголемени потреби за овој олигоелемент, како што е случај при бременост и доење. Болестите кои можат да доведат до недостаток на магнезиум се: заболувања на бубрезите, шеќерна болест, наследни заболувања, алкохолизам...

Поради недостаток на магнезиум доаѓа до преосетливост на нервниот систем, до раздразливост, нервоза, грчеви на мускулите, пореметена работа на срцето и на органите за варење.

Недостатокот на магнезиум доведува до недоволното искористување на калциумот, за потребите на организмот. Исто така, недостатокот на магнезиум се поврзува и со појавата на малигните заболувања.

Бананите се добар извор на магнезиум. Овошјето и зеленчукот со темнозелена боја, исто така, содржи големи количини на магнезиум. Хлорофилот, главниот пигмент на овие билки, кој им ја дава и карактеристичната темнозелена боја, богат е со магнезиум. Не треба да се заборават и интегралните житарици, јатчестите плодови, гравот и мешункастите плодови. Внесувајте го магнезиумот со храна, а не со вештачки препарати.

Просечна дневна доза на магнезиум за мажите изнесува 350 mg, а за жените 280 mg.

Јод - за продукција на хормоните од штитната жлездa

Јодот е важен за метаболизмот на шеќерите, мастите и белковините, ја регулира температурата на телото и нивото на водата во организимот.

Го има во морската риба, морските плодови и во млечните производи.